3 июнь 2021 яңалыклары

03 июнь 2021
Күпбалалы гаиләләрне хөрмәтләделәр

Сишәмбе-Балаларны яклау көнендә, Казанда күп балалы гаиләләр өчен "Ел хәйриячесе" республика конкурсына йомгаклау уздыру кысаларында, Казан циркында бәйрәм тамашасы үткәрелде. Әлеге чарада безнең районнан 3әр бала белән 4 гаилә катнашты. Бу хөрмәтләүгә Тенеки авылыннан күпбалалы Гомәровлар, Шәмәрдәннән Ибраһимовлар, Кызыл Мишәдән Ганиевлар, Сабадан Бабнищевлар гаиләләре лаек булды.
03 июнь 2021
Мамалай авыл клубында «Исәнме, җәй!» дип исемләнгән балалар сабантуе

Сабантуй-ул иң яраткан, иң күңелле, иң тантаналы халык бәйрәме. 2нче июнь көнне Мамалай авыл клубында Балаларны яклау көне уңаеннан «Исәнме, җәй!» дип исемләнгән балалар сабантуе оештырылды. Чүлмәк вату, таяк һәм аркан тарту, капчык киеп йөгерү, конкурслар - барлык бу ярышларда балалар зур энтузиазм белән катнаштылар. Җиңүчеләр дә, җиңелүчеләр дә бар иде, әмма берәү дә кәефен төшермәде, бәйрәм кәефе Сабантуй азагына кадәр сакланды. Бәйрәм чәй табыны артында тәмле коймак белән тәмамланды. Балалар өйләренә яхшы кәеф һәм бүләкләр белән таралыштылар.
03 июнь 2021
Дәүләт Думасы депутаты коллекторларны пенсиясез калдырырга тәкъдим итте

Әгәр кеше коллектор булып эшләгән икән, аңа пенсия түләнмәскә тиеш, ди депутат.
03 июнь 2021
“Уен Фест” - 1нче Республика традицион уеннар фестивале

1нче июнь көнне «Казан Кремле» Дәүләт тарих-архитектура һәм сәнгать музей-тыюлыгы территориясендә “Уен Фест” 1нче Республика традицион уеннар фестивале үтте. Музей – тыюлыкта бәйгеләр, уеннар, күңелле фәнни экспериментлар, викториналар, мастер – класслар белән фәнни – танып – белү, күңел ачу тематик мәйданчыклары эшләде. Фестиваль кысаларында Идел буе халыкларының милли уеннары өчен интерактив мәйданчыклар оештырылды.
03 июнь 2021
Балалары мәктәпкә алты яшьтән керә торган гаиләләргә 10 мең сум түләнәчәк

Вице-премьер Татьяна Голикова закон проектында әлеге пункт махсус киңәшмә барышында төзәтелде дип ышандырды.
03 июнь 2021
Оет авылында гомер итүче Сөләйманов Рәүф Сөләйман улына - 90 яшь

Сөләйманов Рәүф Сөләйман улы 1931нче елның 1 июнь көнне Оет авылында дөньяга килә.